आज : गते

ताजा शिर्षकहरु

चर्चित शिर्षकहरु

सत्ता गठबन्धनले टुंग्यो सिट बाँडफाँड, यस्तो छ सहमति

प्रकाशित
529
SHARES

काठमाडौ। सत्ताधारी गठबन्धनले ६ महानगर र ११ उपमहानगरको भागबन्डा टुंगो लगाएको छ।बालुवाटारस्थित प्रधानमन्त्रीको सरकारी निवासमा बुधबार बसेको सत्तारुढ दलको बैठकमा ६ महानगर,

११ उपहानगरसहित सबै पालिकामा गठबन्धन गर्ने सहमति भएको माओवादी केन्द्र अध्यक्ष पुष्पकमल दाहाल प्रचण्डको स्वकीय सचिव गंगा दाहालले जानकारी दिइन्।

आज बसेको सत्तारूढ गठबन्धनको बैठक सकिएको छ। ६ महानगर र ११ उपमहानगरमा दलिय गठबन्धनबीच सिट बाँडफाँटको टुंगो लागेको छ,’ उनले भनिन्, ‘सम्पूर्ण पालिकामा पनि चुनावी तालमेल गर्ने सहमति भएको छ।

तर पोखरा कांग्रेशमा भने रडाको मचिएको छ। एकीकृत समाजवादीलाई मेयर दिएपछि नेपाली कांग्रेस पोखरा महानगरपालिकाका वडा सभापतिहरू आन्तरिक बैठक बसेका छन्।

उनीहरूले संयुक्त धारणा बनाएर मेयर कांग्रेसले नै पाउनुपर्ने दबाब दिने भएका छन्।‘बैठक बस्र छलफल हुन्छ। सहमतिमा हाम्रा एजेन्डा सार्वजनिक गर्छौं,’ सचिव गणेशबहादुर थापाले भने, ‘एकै मुख बनाएर हामी संघर्ष गर्छौं।’

अहिले लेकसाइडमा सभापतिहरूको बैठक बसिरहेको छ। बैठकले केन्द्रलाई दबाब दिने, नभए अर्को उम्मेद्वार उठाएर जाने थापाले बताए। सकेसम्म रुख चिन्हबाटै चुनाव लड्न लगाउने अर्को विकल्पबारे पनि छलफल भइरहेको छ।

त्यस्तै, हालै गठन भएको एकीकृत समाजवादीले पोखरा महानगरपालिकाको मेयर पाउने भएपछि कांग्रेस कास्कीमा व्यापक असन्तुष्टि चुलिएको छ। आफ्नो पार्टीको संगठन मजबुत हुँदाहुँदै पनि मेयर अर्कै पार्टीलाई दिएको विरोधमा कार्यकर्ताले जिल्ला कार्यसमिति कार्यालयमा तालाबन्दी गरेका छन्।

यसअघि कुनै हालतमा मेयर छोड्न नसक्ने बताएका उनीहरूले रुख चिन्हबाट चुनाव लडे सहयोग गर्न सकिने धारणासमेत राख्दै आएका छन्। कांग्रेस कास्की सचिव भानु ढकालले सामाजिक सञ्जालमार्फत भनेका छन्।

पोखरा महानगरपालिकाको प्रमुख पदमा गठबन्धन दलका तर्फबाट उम्मेदवार जो भए पनि चुनाव चिन्ह रूख कायम गरेर जाने निर्णय गरियो।’ उनले भनेजस्तो पार्टीभित्र भने कुनै निर्णय भएको छैन।

यसअघि पनि उनले पार्टीको निर्णय भन्दै गठबन्धनबाट एकीकृत समाजवादीलाई हटाउने विज्ञप्ति निकालेका थिए। ढकाल विद्यार्थी राजनीतिबाट मूल पार्टीमा छिरेका हुन्। उनले निकालेको विज्ञप्ति भने सत्य नभएको सभापति किशोरदत्त बरालले नै खण्डन गरे।

गठबन्धन दल एउटै चुनाव चिन्हबाट लड्ने सम्भावना पनि लगभग छैन।एकीकृत समाजवादीका अध्यक्ष धनराज आचार्य चुनाव चिन्हबारे छलफल नै अघि नबढेको बताउँछन्।

उनले देशैभर एउटै चुनाव चिन्हमा लड्दा सहज हुने भए पनि त्यसबारे अहिले नै निर्णय लिने बेला नभएको बताए। ‘देशभर एउटै चिन्हमा गठबन्धन लडे राम्रै हुन्छ। तर छलफल भएको छैन,’ उनले भने,

‘नेताहरूलाई सुझाव दिने बेलामा हामी पनि कुरा त राखौंला। तर सम्भावना म देख्दिनँ। पोखराको मेयर एकीकृत समाजवादी र उपमेयर कांग्रेसले पाउने गरी निर्णय भइसकेको छ। तर उम्मेद्वार को हुने भन्ने दलहरूले टुंग्याएका छैनन्।

केन्द्रीय नेतृत्वको उक्त निर्णयको स्थानीयस्तरमा विरोध र आलोचना भने भइरहेको छ। जिल्ला सभापति बराल अन्तिम अवस्थासम्म पनि मेयरको दाबी नछोड्ने बताउँछन्। ‘११ गतेसम्म पनि प्रयास गर्छौं।

मेयर कांग्रेसले नपाए नतिजा निकाल्न सकिँदैन, सभापति शेरबहादुर देउवालाई भेटेर निस्किएपछि उनले भने, ‘हामीले त्यही ब्रिफिङ गरेका छौं।’ उनीहरू निस्किनेवित्तिकै पोखराको निर्णय भइसकेको छ।


प्रतिक्रिया

आजको ट्रेन्डिङ