आज : गते

ताजा शिर्षकहरु

चर्चित शिर्षकहरु

ओलीलाई झट्का दिदै देउवा, प्रचण्ड र नेपाल मिलेर गरिदिए यस्तो निर्णय

प्रकाशित
705
SHARES

काठमाडौँ। सबै दल मिलेर आउदो चुनावमा जसरी भएपनि एमालेलाई पत्ता साफ गर्ने निर्णय सत्तारुढ गठबन्धनले गरेको छ। तालमेलकै कारण सत्तारुढ गठबन्धन नफुट्ने भएको छ। अन्ततः गठबन्धनमा तालेमेलका बिषयमा मोटामोटी सहमती भएसकेको हो।

महानगर र उपमहानगरको भागबण्डा सहमतिनजिक पुगेको छ। बालुवाटारमा जारी शीर्ष नेतृत्वसहित गठबन्धनको निर्वाचन तयारी तथा अनुगमन समितिको बैठकमा तालमेलका लागि तयार पारिएको सहमतिको ड्राफ्टमाथि छलफल भइरहेको एक नेताले जानकारी दिए।

हिजो आइतबार राति कार्यदलले तयार पारेको ड्राफ्ट अहिले बिहान बालुवाटारको शीर्ष नेताको बैठकमा पेस गरिएको थियो। पोखरा महानगरको प्रमुख माधव नेपाल नेतृत्वको एसले पाएपछि एमालेलाई चुनौती थपिएको हो।

जसअनुसार घोराहीका लागि माओवादीको दाबी भने जारी छ। इटहरीमा कांग्रेसले समाजवादीलाई छोड्न लचिलो भएको समाजवादीका एक नेताले नेपाल प्रेसलाई जानकारी दिए।

राप्रपासँग तालमेल भयो भने उसलाई नेपालगञ्ज दिने कुरा पनि गठबन्धनबीचमा चलेको छ। गठबन्धनमा साझा चुनाव चिन्ह लिएर लड्ने सहमति पनि जुटेको छ। एक नेताका अनुसार जुन पालिकामा जसको प्रमुखमा उम्मेदवारी हुने हो।

त्यही दलको चुनाव चिह्नमा पाँचै दल सहभागी हुने निर्णय भएको छ। नेताहरू सहमतिमा पुगेअनुसार गठबन्धनबीचको ड्राफ्ट यस्तो छ। त्यस्तै,नेकपा एमालेका पोलिटब्यूरो सदस्य एवं युवा संघ इन्चार्ज महेश बस्नेतले चितवनमा एमाले र राप्रपा सहकार्यको प्रस्ताव गरेका छन्।

नेकपा माओवादी केन्द्रका अध्यक्ष पुष्पकमल दाहाल प्रचण्डलाई चितवन निर्वाचन क्षेत्र नम्बर ३ मा र छोरी रेणु दाहाललाई भरतपुरमा हराउन बस्नेतले राप्रपा उपाध्यक्ष विक्रम पाण्डेलाई सहकार्यको अफर गरेका हुन्। पाण्डेले चितवन ३ मा प्रचण्डलाई चुनौती दिँदै आएका छन्।

चितवनमा हुने विभिन्न कार्यक्रममा सहभागी भरतपुर आएका बस्नेतले विमानस्थलमा पत्रकारहरुसँग कुरा गर्दै रेणु र उनका ‘बा’ हराउन पाण्डेलाई एमालेमा आउन वा सूर्य चिन्ह लिएर चुनाव लड्न आग्रह गरे।

भरतपुर महानगरपालिका एमालेले लिने र प्रचण्डको चुनाव क्षेत्र राप्रपालाई छाड्ने सहमति भइसकेको हो भन्ने प्रश्नमा बस्नेतले भने, त्यो तहमा वार्ता भएको मलाई जानकारी छैन। तर मैले अघिल्लो चुनावमै विक्रम पाण्डेजीलाई एमालेमा आउनुस्, टिकट लिएर चुनाव लड्नुस् भनेको हो।

त्यसरी रेणु दाहालाई र रेणुका बालाई हराउन सकिन्छ। अब रेणुको बाप्रति विक्रम पाण्डेको सहानुभूति कति छ, म जान्दिन। यदि सहानुभूति छैन र यो मुलुकमा निर्वाचित सासद भएर हिँड्ने रहर छ भने एमालेमा प्रवेश गर्ने वा एमालेको सूर्य चिन्ह लिने उहाँका लागि सबभन्दा राम्रो आधार हुन्छ।’

भरतपुरमा गठबन्धनलाई असहयोग गर्छौं भनेर कांग्रेस बोलेको अवस्था रहेको भन्दै उनले सहकार्यको यो उपयुक्त मौका भएको जिकिर गरे।उनले घोषित रुपमा राजेन्द्र लिङ्देनको राप्रपासँग गठबन्धन नहुने पनि स्पष्ट पारे।

एकआध ठाउँमा सहकार्य होला। गठबन्धन कति जटिल छ भन्ने सत्ता गठबन्धनबाट महसुस गरेका छौं, उनले भने, एमालेले गठबन्धन गर्ने भन्दा पनि चुनाव चिन्ह लिएर सहकार्य गर्न आउँछन् भने यसलाई स्वभाविक रुपमा लिन्छ। राप्रपासँग गठबन्धन होला जस्तो लाग्दैन।

कमल थापाको राप्रपा नेपाल र परिवार दललगायत साना दलसँग भएको सहकार्यलाई गठबन्धन भन्न नमिल्ने उनले जिकिर गरे। ‘एमालेको जनआकर्षण र प्रभावबाट विभिन्न दलका केही नेताहरु नजिक भएका हुन्।

यसलाई गठबन्धन भन्न मिल्दैन,’ उनले भने, साना दलहरु र राजनीतिक साथीहरु एमाले सूर्य चिन्ह लिएर चुनावमा सहभागी हुन खोजेका छन्। यसले एमालेसँग निकटता बढाउने र भविष्यमा एमालेमै आबद्ध हुने अभियान पनि हुनसक्छ।

चुनावी तालमेलको जटिलताले सत्ता गठबन्धन टुट्ने अवस्थामा पुगेको र त्यही कारणले निर्वाचन सार्न खोजेको उनको भनाइ छ। एउटा विप्लवलाई चुनावमा ल्याउन सकिन्छ भन्ने बहानाको षडयन्त्र र अर्को संवैधानिक परिषद्‌ले गरेका नियुक्तिको मुद्दामा अदालतसँग सेटिङ मिलाएर, हराएर, निर्वाचन आयोगमा रिक्तता देखाएर अन्तिमसम्म पनि चुनाव सार्न खोजेको देखिन्छ।

उनले भने। तर सत्ताधरी गठबन्धनभित्र हुँदैन भन्ने ठूलो मत, गठबन्धन जोगिन्छ कि जोगिँदैन भन्ने संशय, निर्वाचन आयोगको आक्रामक तयारी र जनताको निर्वाचनप्रतिको लगावले निर्वाचन सर्ने स्थिति नबन्ने बताए। सत्ताधारी गठबन्धन पनि बलियो नबन्ने उनको भनाइ छ। यसैकारण एमालेको पनि अरु दलसँग गठबन्धन हुने खालको अवस्था नभएको उनले बताए।

प्रतिक्रिया

आजको ट्रेन्डिङ