आज : गते

ताजा शिर्षकहरु

चर्चित शिर्षकहरु

चुनावको मुखमा प्रचण्ड माथि अर्को बज्रपात, चितवनबाट आयो नमिठो खबर

प्रकाशित
2.1K
SHARES

काठमाडौं। चुनावको मुखमा प्रचण्ड माथि बज्रपात संकेत देखिएको छ। नेकपा एमालेका पोलिटब्यूरो सदस्य एवं युवा संघ इन्चार्ज महेश बस्नेतले चितवनमा एमाले र राप्रपा सहकार्यको प्रस्ताव गरेका छन्।

नेकपा माओवादी केन्द्रका अध्यक्ष पुष्पकमल दाहाल प्रचण्डलाई चितवन निर्वाचन क्षेत्र नम्बर ३ मा र छोरी रेणु दाहाललाई भरतपुरमा हराउन बस्नेतले राप्रपा उपाध्यक्ष विक्रम पाण्डेलाई सहकार्यको अफर गरेका हुन्।

पाण्डेले चितवन ३ मा प्रचण्डलाई चुनौती दिँदै आएका छन्। चितवनमा हुने विभिन्न कार्यक्रममा सहभागी भरतपुर आएका बस्नेतले विमानस्थलमा पत्रकारहरुसँग कुरा गर्दै रेणु र उनका ‘बा’ हराउन पाण्डेलाई एमालेमा आउन वा सूर्य चिन्ह लिएर चुनाव लड्न आग्रह गरे।

भरतपुर महानगरपालिका एमालेले लिने र प्रचण्डको चुनाव क्षेत्र राप्रपालाई छाड्ने सहमति भइसकेको हो भन्ने प्रश्नमा बस्नेतले भने, ‘त्यो तहमा वार्ता भएको मलाई जानकारी छैन। तर मैले अघिल्लो चुनावमै विक्रम पाण्डेजीलाई एमालेमा आउनुस्, टिकट लिएर चुनाव लड्नुस् भनेको हो।

त्यसरी रेणु दाहालाई र रेणुका बालाई हराउन सकिन्छ। अब रेणुको बाप्रति विक्रम पाण्डेको सहानुभूति कति छ, म जान्दिन। यदि सहानुभूति छैन र यो मुलुकमा निर्वाचित सासद भएर हिँड्ने रहर छ भने एमालेमा प्रवेश गर्ने वा एमालेको सूर्य चिन्ह लिने उहाँका लागि सबभन्दा राम्रो आधार हुन्छ।’

भरतपुरमा गठबन्धनलाई असहयोग गर्छौं भनेर कांग्रेस बोलेको अवस्था रहेको भन्दै उनले सहकार्यको यो उपयुक्त मौका भएको जिकिर गरे।उनले घोषित रुपमा राजेन्द्र लिङ्देनको राप्रपासँग गठबन्धन नहुने पनि स्पष्ट पारे।

एकआध ठाउँमा सहकार्य होला। गठबन्धन कति जटिल छ भन्ने सत्ता गठबन्धनबाट महसुस गरेका छौं,’ उनले भने, ‘एमालेले गठबन्धन गर्ने भन्दा पनि चुनाव चिन्ह लिएर सहकार्य गर्न आउँछन् भने यसलाई स्वभाविक रुपमा लिन्छ।

राप्रपासँग गठबन्धन होला जस्तो लाग्दैन।’कमल थापाको राप्रपा नेपाल र परिवार दललगायत साना दलसँग भएको सहकार्यलाई गठबन्धन भन्न नमिल्ने उनले जिकिर गरे। ‘एमालेको जनआकर्षण र प्रभावबाट विभिन्न दलका केही नेताहरु नजिक भएका हुन्।

यसलाई गठबन्धन भन्न मिल्दैन,’ उनले भने, ‘साना दलहरु र राजनीतिक साथीहरु एमाले सूर्य चिन्ह लिएर चुनावमा सहभागी हुन खोजेका छन्। यसले एमालेसँग निकटता बढाउने र भविष्यमा एमालेमै आबद्ध हुने अभियान पनि हुनसक्छ।

चुनावी तालमेलको जटिलताले सत्ता गठबन्धन टुट्ने अवस्थामा पुगेको र त्यही कारणले निर्वाचन सार्न खोजेको उनको भनाइ छ। ‘एउटा विप्लवलाई चुनावमा ल्याउन सकिन्छ भन्ने बहानाको षडयन्त्र र अर्को संवैधानिक परिषद्‌ले गरेका नियुक्तिको मुद्दामा, अदालतसँग सेटिङ मिलाएर हराएर, निर्वाचन आयोगमा रिक्तता देखाएर अन्तिमसम्म पनि चुनाव सार्न खोजेको देखिन्छ।

’उनले भने।तर सत्ताधरी गठबन्धनभित्र हुँदैन भन्ने ठूलो मत, गठबन्धन जोगिन्छ कि जोगिँदैन भन्ने संशय, निर्वाचन आयोगको आक्रामक तयारी र जनताको निर्वाचनप्रतिको लगावले निर्वाचन सर्ने स्थिति नबन्ने बताए। सत्ताधारी गठबन्धन पनि बलियो नबन्ने उनको भनाइ छ।

यसैकारण एमालेको पनि अरु दलसँग गठबन्धन हुने खालको अवस्था नभएको उनले बताए। त्यस्तै,यसपाली कांग्रेस चितवनका सभापति राजेश्वर खनालले आगामी स्थानीय तह निर्वाचनमा नतिजा प्रतिकुल आए आफूहरूले जिम्मा नलिने बताएका छन् ।

भरतपुर महानगरपालिका प्रमुखको उम्मेदवार नेकपा (माओवादी केन्द्र)लाई छाड्ने केन्द्रीय निर्णय भएमा त्यस्तो निर्णय मान्न आफू तयार भएको तर नतिजामा जिम्मेवार नहुने खनालले बताए ।शुक्रबार चितवन आएका कांग्रेस नेता प्रकाशमान सिंहले गठबन्धन जोगाउन भरतपुर महानगर प्रमुख नेकपा ९माओवादी केन्द्र०लाई छाड्ने गरी तालमेल हुने बताएका थिए ।

सिंहको भनाइले जिल्लामा पुनः तरंग ल्याएको छ । भरतपुरमा यसअघि नै एक पटक माओवादी केन्द्रलाई सहयोग गरिसकेकाले आलोपालोको मान्यताअनुसार यसपालि कांग्रेसले पाउनुपर्ने खनालले दोहोर्‍याए ।‘कांग्रेस केन्द्रीय समितिले गरेको निर्णय त्योभन्दा तल्लो निकायले मान्न बाध्यकारी छौँ । म कांग्रेसको चितवन सभापति भएकाले पनि मान्न तयार छु ।

तर, निर्णय मान्ने हो कि निश्कर्षमा पुग्ने हो । जुन निकायले निर्णय गर्ने हो भोलि नतिजा अनुकुल वा प्रतिकुल हुँदा पनि त्यो निकायले पूर्ण रुपमा जिम्मा लिनुपर्छ,’ उनले भने ।चितवन कांग्रेसले १५ दिनअघि नै संस्थागत निर्णय गरेर भरतपुर महानगरको मेयर नछाड्ने कुरा पार्टी सभापति शेरबहादुर देउवालाई जानकारी गराईसकिएको उनले बताए ।

नजिता सकरात्मक आउने तरिका यो हो भनेर चितवन कांग्रेसले सघन छलफल गरेर केन्द्रीय समितिलाई लिखित प्रतिवेदन बुझाइसकेको भन्दै उनले एकात्मक खालको अवसरबाट गठबन्धनलाई स्थायित्व दिन नसकिने र जुनसुकै बेला दुर्घटनामा पर्न सक्ने बताए ।

‘समयको आवश्यकताअनुसार बनेको गठबन्धनसँग तालमेल गरेरअघि बढ्ने कुरामा तयार छौँ तर तालमेल जायज हुनुप¥यो । ग्राउण्ड सुहाउँदो हुनुप¥यो,’ उनले भने ।नेपाली कांग्रेसको मूल्य, मान्यता, सिद्धान्त र विधानमा रुख चिह्नबाहेक अन्त पनि मत हाल भन्ने व्यवस्था नरहेको भन्दै उनले गठबन्धन गरेर अन्य चिह्नमा मत हाल्ने निर्णय गर्नु नै अनुशासनहिन काम भएको बताए।

विगतमा गरेको सहयोग र वर्तमान संगठनको हिसाबले भरतपुर महानगरले मेयर कांग्रेसले पाउने गरी गठबन्धनका दलसँग चुनावी तालमेल गर्ने कांग्रेसको संस्थागत निर्णय रहेको उनले बताए ।त्यही निर्णयलाई आत्मसाथ गर्दै अन्य तहमा तालमेल गर्न जिल्ला संयन्त्रमा सघन छलफल भइरहेको उनले जानकारी दिए।

टक पटक मेरो पक्षमा नै हुनुपर्छ भन्ने दृष्टिकोणबाट गठबन्धन मजबुत हुन सक्दैन । एउटा पक्षलाई निराश बनाएर अर्को पक्ष सँधै खुसी हुने प्रवृत्तिबाट गठबन्धन सघन भएर जान सक्दैन, उनले भने।

प्रतिक्रिया

आजको ट्रेन्डिङ