आज : गते

ताजा शिर्षकहरु

चर्चित शिर्षकहरु

सबैलाई चकित पार्दै अर्थमन्त्री शर्माले गरिदिए यस्तो निर्णय, सबैले थाहा पाउनु पर्ने

प्रकाशित
2.1K
SHARES

काठमाडौँ। सबैलाई चकित पार्दै अर्थमन्त्रि शर्माले अनैठो निर्णय गरिदिएका छन्। अर्थमन्त्री जनार्दन शर्माले संसारभर रहेका नेपालीलाई नेपाली बैंकमा डलर खाता खोल्न र लगानी गरी सहयोग गरिदिन आग्रह गरेका छन् ।

गैर आवासीय नेपाली संघ एनआरएनले बुधबार आयोजना गरेको अन्तर्क्रिया कार्यक्रममा मन्त्री शर्माले प्रवासी नेपालीहरुले डलर खाता खोल्दा नेपालको अर्थतन्त्रलाई मद्दत पुग्ने बताए।

१ लाख एनआरएनले १० हजार डलरका दरले खाता खोलिदिनुस् । बैंकहरुमा तरलताको अभावमा मद्दत नै पुग्ला,’ अर्थमन्त्री शर्माले आग्रह गरे।‘६, ७ महिनाको वस्तु र सेवा किन्ने विदेशी मुद्रा छ।

राष्ट्र बैंकले हालै प्रकाशित गरेको प्रतिवेदन अनुसार ९ अर्ब ५८ करोड डलर छ,  उनले भने, ‘पेट्रोलको मूल्य वृद्धि हुँदा लाखौं डलर बाहिर पठाउनु परेको छ ।

विदेशमा रहेका नेपालीलाई पनि फाइदा होस् भन्ने हेतुले डलर खाताका लागि नीतिगत प्रक्रिया पूरा गरेको मन्त्री शर्माले बताए ।‘लगानी गर्न पनि मद्दत पुग्ला भनेर यहाँहरुको हितमा होस् भनेर गरेका थियौँ ।

त्यहाँ रहेको निष्क्रिय पुँजीलाई सक्रिय बनाउन पनि खोजेको हो। खाता खोल्ने विषय, खाता खोल्न झन्झट छ भन्नेहरुलाई उत्तर हाम्रो नीति र निर्णयले दिइसकेका छौँ’, उनले भने, ‘यी सबै झन्झट हटिसकेको छ।

अब तपाईंहरुले खाता खोल्नुहुन्छ कि हुन्न रु’ मन्त्री शर्माले प्रश्न गरे।डलर खातामा भएको रकम सहज रुपमा फिर्ता लिन मिल्ने बनाइसकेको उनले बताए । ‘एनआरएनमा संगठितलाई मात्रै होइन।

नेपाली भन्ने कुनै पनि विवरण पेस गर्दा खाता खोल्न पाइनेगरी व्यवस्था गरेका छौँ । यसमा एनआरएनएले सहजीकरण गरिदियोस् भन्ने हाम्रो आग्रह हो,’ मन्त्री शर्माले भने।

नेपालमा आउने पर्यटकलाई फ्री भिसा दिनेबारे छलफल भई रहेको र त्यसले एनआरएनएलाई पनि सहज हुने उनले बताए । त्यसैगरी आईपीओको विषयमा निश्चित प्रतिशत छुट्याउनेगरी नीति बनाउने योजना भई रहेको उनले बताए ।

कार्यक्रममा अर्थ सचिव मधु मरासिनी तथा नेपाल राष्ट्र बैंककी कायममुकाम गभर्नर डा नीलम ढुंगानाले सहभागीहरुका प्रश्नको जवाफ दिएका थिए।गैरआवासीय नेपाली संघका कार्यकारी अध्यक्ष कुल आचार्यले,

डलर खाता खोल्ने विषय प्रवासी नेपालीहरुलाई नेपालसँग जोड्ने एउटा माध्यम हुनसक्ने बताए। उनले विदेशमा रहेका नेपालीहरुलाई विदेशी मुद्रामा खाता खोल्न नीति नियम परिवर्तन गरी सजिलो बनाइदिएकोमा सरकारलाई धन्यवाद समेत दिए।

यो नेपालसँग जोड्ने कोशे ढुङ्गा हो । यो हाम्रो लागि जन्म भूमिको गुण तिर्ने मौका पनि भएकाले सबैले डलरमा खाता खोलिदिनु होला, अध्यक्ष आचार्यले भने। उनले गैरआवासीय नेपाली नागरिकताका लागि व्यवस्था गर्न मन्त्री शर्मालाई आग्रह गरे।

लगानीका विषयमा मन्त्रीज्यूहरुसँग छलफल भैरहेको छ। सबै सकारात्मक हुनुहुन्छ। हाम्रा समस्या धेरै छैनन्। छिटोभन्दा छिटो समाधान गरिदिनुहुनेछ भन्ने आशा छ, उनले भने।

संघका अध्यक्षहरु डा बद्री केसी तथा रबिना थापाले सम्बोधन गरेको उक्त अन्तरक्रिया कार्यक्रमको संचालन संघका महासचिवद्वय डा केशव पौडेल तथा गौरीराज जोशीले गरेका थिए।

प्रतिक्रिया

आजको ट्रेन्डिङ