इमान्दार संवाददाता
५३ पटक

काठमाडौं । नेपाली कांग्रेसभित्र विधानको विवाद थप गहिरिँदै गएको छ । केन्द्रीय कार्यसमितिको जारी बैठकमा धारणा राख्ने केन्द्रीय सदस्यहरु दुई खेमामा विभक्त भएका छन् ।

सभापति शेरबहादुर देउवा पक्ष पार्टीमा पदाधिकारी थप्ने विषयमा सकारात्मक छैन भने वरिष्ठ नेता रामचन्द्र पौडेल पक्ष पदाधिकारी थप्नुपर्ने वकालत गरिरहेको छ ।

कतिपय सभापति देउवा पक्षका नेताहरुले सभापतिको अधिकार कटौती गर्ने गरी विधान मस्यौदा भएको भन्दै त्यसलाई सुधार गर्न माग गरेका छन् । देउवापक्षीय नेताहरुहरुले सभापतिलाई अधिकारसम्पन्न गराएमात्र पार्टीले सोचेजस्तो परिणाम दिनसक्ने तर्क गरिरहेका छन् । पौडेलपक्षीय नेताहहरुले भने सबै पदाधिकारी निर्वाचित हुनुपर्ने धारणा राखेका छन् ।

बैठकमा बोल्दै केन्द्रीय सदस्य अर्जुननरसिंह केसीले पदाधिकारी, संसदीय बोर्ड र ८५ प्रतिशत केन्द्रीय सदस्य निवाचित हुनुपर्ने माग गरेका छन् ।त्यस्तै, पार्टीका सबै तहमा श्रमिकको प्रतिनिधित्व हुनुपर्ने, क्रियाशील सदस्यतालाई व्यवस्थित गरिनुपर्ने माग पनि केसीले गरेका छन् ।

उनले पार्टीमा एकपछि अर्को गर्दै विवादका विषय बढेको भन्दै विधानका विषयमा तत्काल शीर्ष तहमा सहमति खोज्नुपर्ने बताएका छन् । कांग्रेस विधान मस्यौदा समितिबाटै सातओटा विषयमा फरक मत गएकामा अहिले केन्द्रीय सदस्यहरुले बोल्नेक्रममा दर्जनौं त्यस्ता फरक विषय आएका छन् ।

विधानका विषयमा केन्द्रीय समिति बैठकमा सर्वसम्मति नभए कांग्रेस महासमिति बैठकसमेत अन्योलमा पर्नसक्छ । कांग्रेसले आफ्नो महासमिति बैठक यही मंसिर २८ देखि पुस ३ गतेसम्म काठमाडौंमा गर्ने तयारी गरेको छ ।

२०७५ मंसीर २० गते प्रकाशित

    फेसबुक ट्वीटर

    तपाईं हामीसँग  फेसबुक र ट्वीटर मार्फत् पनि जोडिन सक्नुहुन्छ ।

प्रतिकृया दिनुहोस्

खाली एड