आज : २०७५ कार्तिक २ गतेPreeti to UnicodeUnicode to PreetiRoman to UnicodeDate Converter
इमान्दार संवाददाता
४९२ पटक

काठमाडौँ ।

विप्लव नेतृत्वको नेपाल कम्युनिस्ट पार्टीले गाउँ-गाउँमा अभियान सुरु गरेको छ । पार्टीले आफ्नो केन्द्रीय कार्यक्रम सेड्युलमा राखेर भदौ १ गतेदेखि सुरु गरेको ‘सङ्गठन सुदृढीकरण तथा विस्तार अभियान’ गण्डक ब्युरोमा पनि संचालन भएको छ ।

अभियानले गाउँ-गाउँमा भ्रष्टाचार बिरोधी नाराहरु लेख्ने साना-ठुला कोणसभा र भेलाहरु गर्ने तथा संगठन निर्माण र बिस्तार गर्ने कार्यक्रम तय गरेको गण्डक ब्युरो सदस्य तथा तनहुँका इन्चार्ज उभारले जानकारी दिएका छन् । उभारको नेतृत्वमा कास्की र पर्वतका विभिन्न गाउँ र सहरमा अभियान चलि रहेको छ ।

अभियान टोलीहरूले पर्वतको मोदी गाउँपालिका, राम्जा, चित्रे, नेपाने, ओदारे, कास्कीको अन्नपूर्ण गाउँपालिका, सल्यान, भदौरे-लुम्लेमा ‘भ्रष्टाचारीको सम्पत्ति राष्ट्रियकरण गर ! वैज्ञानिक समाजवाद स्थापना गरौँ ! कर र महँगी बढाउन पाइँदैन । दलाल सरकार चाहिँदैन’ लगायतका नारा भित्ता-भित्तामा लेखेका छन् ।

त्यस्तै अभियान टोलीले पार्टीका विभिन्न जनबर्गिय संगठन निर्माण गर्ने र पार्टीका एकाइ समिति निर्माणदेखि भेला र प्रशिक्षणसम्म सञ्चालन गरेको बताइएको छ । पार्टी केन्द्रको योजनामा सुरु भएको चार महिने यो अभियान देशका चारवटै कमान्डमा चलिरहेको नेकपाले जनाएको छ ।

२०७५ भदौ १७ गते प्रकाशित

    फेसबुक ट्वीटर

    तपाईं हामीसँग  फेसबुक र ट्वीटर मार्फत् पनि जोडिन सक्नुहुन्छ ।

प्रतिकृया दिनुहोस्

खाली एड

Loading...