आज : २०७५ कार्तिक ६ गतेPreeti to UnicodeUnicode to PreetiRoman to UnicodeDate Converter
इमान्दार संवाददाता
४०५ पटक

काठमाडौं । 

भारतको तमिलनाडु राज्यका पूर्व मुख्यमन्त्री तथा डीएमके पार्टीका अध्यक्ष एम करुणानिधिको निधन भएको छ । चेन्नाइस्थित एक अस्पतालमा उपचाररत करुणानिधिको ९४ वर्षको उमेरमा निधन भएको हो ।

तमिलनाडु सरकारले उनको मृत्युप्रति शोक व्यक्त गर्दै आज सार्वजनिक बिदा दिने निर्णय गरेको छ । गत जुलाई २८ मा उनलाई उपचारका लागि अस्पतालमा भर्ना गरिएको थियो । उनको जन्म सन् १९२४ को जुन ३ मा तमिलनाडुको नागापट्टिनम जिल्लामा भएको थियो ।

करुणानिधिको सन् २०१६ देखि स्वास्थ्यमा समस्या देखिएपछि पटकपटक उपचार भइरहेको थियो । उनी खराव स्वास्थ्यका कारण दुई वर्षयता राजनीतिमा निस्कृय थिए ।

करुणानिधि सन् १९९६ को जुलाई २७ मा पार्टी अध्यक्ष बनेका थिए । करिब ८ दशक राजनीतिमा सक्रिय करुणानिधि ५ पटक तमिलनाडुको मुख्यमन्त्री बने ।

१३ पटक विधानसभा निर्वाचनमा प्रतिस्पर्धा गरेका करुणानिधिले कुनै पनि चुनाव हारेका थिएनन् । उनी सन् २०१६ को विधानसभा निर्वाचनमा सबैभन्दा बढी मतान्तरले विजयी भएका थिए ।

करुणानिधिले करिब ५० वटा तमिल भाषामा निर्मित फिल्मको पटकथा तथा संवाद लेखनसमेत गरेका थिए । यसैबीच करुणानिधिको अन्त्येष्टि कहाँ गर्ने भन्ने विवाद अदालतमा पुगेको छ ।

उनीको पार्टीले मरिना तटमा अन्त्येष्टि गर्नुपर्ने माग गरेको छ । यो तटमा तमिलनाडुका वरिष्ठ राजनीतिज्ञको अन्त्येष्टि हुँदै आएको हो । तर प्रदेश सरकारले यसलाई अनुमति दिएको छैन ।

तमिलनाडु सरकारका मुख्य सचिव गिरिजा वैद्यनाथनले करुणानिधिको समाधीका लागि अन्ना विश्वविद्यालयको अगाडि दुई एक जमिन तयार पारिएको जानकारी दिनुभएको छ ।

यो इलाका मरिना तटबाट ८ किलोमिटरको दुरीमा पर्छ । अदालतले यस बारेमा आजै निर्णय गर्ने बताइएको छ । (एजेन्सी)

२०७५ साउन २३ गते प्रकाशित

    फेसबुक ट्वीटर

    तपाईं हामीसँग  फेसबुक र ट्वीटर मार्फत् पनि जोडिन सक्नुहुन्छ ।

प्रतिकृया दिनुहोस्

खाली एड

Loading...