इमान्दार संवाददाता
३१३ पटक

काठमाडौं ।

शिक्षा विज्ञान तथा प्रविधिमन्त्री गिरिराजमणि पोखरेलले सचिवलयमा कार्यरत आफ्ना सबैजसो कर्मचारीलाई विभिन्न निकायको जिम्मा दिएको बुझिएको छ ।

मन्त्री पोखरेलले आफूलाई भेट्न आउने मन्त्रालयका सहसचिव लगायतका उच्च पदाधिकारीलाई सचिवालय सदस्यमार्फत काम गर्न आउनुपर्ने व्यवस्था गरेका छन् । ‘आफू वेफुर्सद रहेकाले सचिवालयको सदस्यमार्फत काम गर्नु भन्दै पन्छिने गर्नुभएको छ’, एक उच्च स्रोतले भन्यो । नेपाल समाचार पत्र दैनिकले खबर छापेकाे छ ।

यसअघि नेपाल समाचारपत्रले सोध्दा आफूसंग धरै निजी सचिव र सचिवालयमा काम गर्ने सदस्य नभएको दाबी गर्दै आएका मन्त्री पोखरेलको सचिवालयमा कार्यरत १७ जनाकै नाम प्राप्त भएको छ ।

यसअघि नेपाल समाचारपत्रमा समाचार छापिएपछि मन्त्रीको सचिवालयका केही सदस्यले टेलिफोन गरी सबै सदस्यको नाम सार्वजनिक गर्न चुनौति दिएका थिए ।

‘मन्त्रीज्यूले यतिधेरै निजी सचिव र सचिवालयमा कर्मचारी राख्नुभएको छैन नेपाल समाचारपत्रमा प्रकाशित समाचार झुटो हो’ भन्दै केही सचिवालय सदस्यले मन्त्रीको बचाउ गरेका थिए ।

तर मन्त्री पोखरेलले केही निजी सचिव र केहीलाई सल्लाहकारको जिम्मेवारी दिएर जम्बो टोली बनाएका छन् । उक्त टोलीका सदस्यले विभिन्न निकायको जिम्मेवारी लिदै आएका छन् ।

प्रधानमन्त्री तथा मन्त्रि परिषदको कार्यालयले सार्वजनिक गरेको सुविधासम्बन्धी नियममा शिक्षा, विज्ञान तथा प्रविधिमन्त्रीले उपस्वकीय सचिव एक जना, स्वकीय अधिकृत एक जना, नासु सरहको सहायक १ जना र २ जना सवारी चालक गरी ५ जना कर्मचारी राख्नुपर्ने व्यवस्था छ । प्रधानमन्त्री कार्यालयले २०६८ भदौ २९ गते नियम संसोधन गरी यो व्यवस्था लागू गरेको थियो ।

सल्लाहकार राख्ने समेत अधिकार नै नभएका मन्त्री पोखरेलले जीवन गौतमलाई घोषित रुपमै सल्लाहकार बनाएका छन् । प्रम कार्यालयले शिक्षा मन्त्रीलाई सल्लाहकार राख्ने सुविधा नभएको जनाएको छ ।

गौतम सल्लाहकारको रुपमा राज्यमन्त्रीको कार्यकक्षमा बस्ने गरेका छन् । मन्त्रालय शिक्षा विभाग लगायतका महत्वपूर्ण निकायको काम उनीबाटै हुने गरेको छ ।

को को छन् सचिवालयमा ?

१.जीवन गौतम
२.पुष्प ढकाल
३.पुरण केसी
४.विनोद न्यौपाने
५.रुद्र मगर
६.सुनिल खड्का
७.शंकर शाह
८.राजकुमार कोइराला
९.लिलामान भण्डारी
१०.भीम पोखरेल
११.प्रकाश खतिवडा
१२.शिव फुयाल
१३.पंकज रावल
१४.रोहित दाहाल
१५.सुदर्शन पराजुली
१६.नन्द थापा
१७.शक्ति कोइराला

नन्द थापाभित्री सल्लाहकारको रुपमा चिनिन्छन् । मन्त्री पोखरेलले अधिकांश काममा उहासंगै सल्लाह लिने गरेका छन् । मन्त्रीको कार्यकक्षमा हरेक दिन ५ जना भन्दा बढी सचिवालयका कर्मचारी बस्ने गरेका छन् ।

‘अति जरुरी काम लिएर मन्त्रीलाई भेट्न खोज्दा मन्त्रीले एक न एक सदस्यमार्फत आउन आग्रह गर्ने गर्नुभएको छ’, स्रोतले नेपाल समाचारपत्रसंग भन्यो, ‘हामी त दिक्क भैसक्यौ, मन्त्रीज्युसंग कुरा गर्न खोज्यो फुर्सद छैन भन्दै सचिवालयका सदस्यलाई भिडाउने गर्नुभएको छ ।’

स्रोतका अनुसार मन्त्री पोखरेलले जीवन गौतमलाई शिक्षा विभाग, सुदर्शन पराजुलीलाई सिटिइभीटी र प्रकाश खतिवडालाई पाठ्यक्रम विकास केन्द्र हेर्ने गरी जिम्मा दिनुभएको छ । इभेन्ट परियोजनामा गौतम नै सहभागी हुँदै आएका छन् ।

‘उहाँले सबै सचिवालयका सदस्यलाई शिक्षाका एक न एक निकाय हेर्नेगरी जिम्मेवारी दिनुभएको छ’, उच्च स्रोतले नेपाल समाचारपत्रसंग फेरि दावी ग(यो–उहाँले अघिल्लो राज्यमन्त्रीले चढेको सवारी साधन आफैँसँग राख्नुभएको छ ।’

सल्लाहकारका हैसियतमा जीवन गौतमले शैक्षिक जनशक्ति विकास केन्द्र, पुष्प ढकालले मन्त्रालय र पुरण केसीले राष्ट्रिय परीक्षा बोर्डको सवारी साधन प्रयोग गर्दै आएका छन् । स्मरणीय छ, मन्त्रीको सचिवालयले थप सवारी साधन आवश्यकता भएको जनाउदै शिक्षा विभागमा हालसालै पत्र पठाएको छ ।

२०७५ असार २९ मा प्रकाशित ।

२०७५ असार २९ गते प्रकाशित

    फेसबुक ट्वीटर

    तपाईं हामीसँग  फेसबुक र ट्वीटर मार्फत् पनि जोडिन सक्नुहुन्छ ।

प्रतिकृया दिनुहोस्

खाली एड