इमान्दार संवाददाता
११८४ पटक

चितवन  ।

नेपाल कम्युनिस्ट पार्टीको जिल्ला कार्यालयमा प्रहरीले अाक्रमण गरी एक कार्यकर्तासहित सम्पूर्ण सामानहरु कब्जामा लिएको छ ।

चितवनको भरतपुर महानगरपालिका–१० स्थित भोजाडमा प्रहरीले जिल्ला इन्चार्ज लालबहादुर बिसीसहितको कार्यालय टीममाथि प्रहरीले आक्रमण गरी नगदसहित कार्यालयका सम्पूर्ण सामानहरु कब्जामा लिएको हो ।

अर्को ठाउँ कार्यालय सार्दै गर्दा प्रहरीले हस्तक्षेप गरेको इन्चार्ज बिसीले बताएका छन् । बिसीले एक विज्ञप्ति निकालेर कार्यालय सार्दै गर्दा प्रहरीले मध्यरात चारैतिरबाट घेरा हालेर एक कार्यकर्तासहित सामानहरु कब्जामा लिएको बताए ।

बिसीका अनुसार प्रहरीले नगद एक लाख रुपैयाँ, ल्यापटप एक थान, मोवाइल ६ थान, मोटरसाइलक एक थान, बिसीका कपडा चार जोड, किताब ५, कपी–डाइरी ८ थान, दैनिक उपयोग गर्ने समान कब्जामा लिएको छ ।

प्रहरीको आक्रमणमा परी इन्चार्ज बिसी गम्भीर घाइते भएका छन् । उनीसँगै रहेका अर्का कार्यकर्ता बिरु तामाङलाई प्रहरीले गिरफ्तार गरेको छ ।

आफ्नो कार्यालयमामाथि प्रहरीले युद्ध शैलीबाट अाक्रमण गरेको भन्दै बिसीले आपत्ती जनाएका छन् । गिरफ्तार तामाङसँगै कब्जामा लिएका सम्पूर्ण सामानहरु फिर्ता गर्न बिसीले माग पनि गरेका छन् । प्रहरीसँग भएको झडपमा परी इन्चार्ज बिसी गम्भीर घाइते भएका छन्

२०७५ जेठ २७ गते प्रकाशित

    फेसबुक ट्वीटर

    तपाईं हामीसँग  फेसबुक र ट्वीटर मार्फत् पनि जोडिन सक्नुहुन्छ ।

प्रतिकृया दिनुहोस्

खाली एड

Loading...